GOT TALENT

Algún dos nosos alumnos e alumnas de 1ºESO atrevéronse a mostrar as súas habilidades no Got Talent organizado polo alumnado de 4ºESO na festa do nadal. Deixamos unha pequena mostra do talento demostrado. Grazas pola vosa cooperación!

XINCANA NADAL

Como xa é tradición o alumnado de 4ºESO disfrutou da Xincana do Nadal !

TITORIAL TAREFA NADAL

Aquí podedes consultar o titorial para facer a actividade do nadal. 
Lembrade, hai que facer un mínimo de 10 actividades das 18. Tedes que ir creando evidencias de cada actividade (foto ou vídeo curto, máximo 15 segundos). non é necesario que salga a vosa cara, podedes saír de costas, de lado...) Se sabedes traballar en Canva e soamente necesitades saber como compartir unha ligazón pública, podedes avanzar ata o minuto 5,10.
Boas festas!

BONO DEPORTE

A partir do 8 de xaneiro poderase solicitar o bono deporte. O alumnado participante en XOGADE poderá facer a solicitude co seu identificador na seguinte ligazón https://www.bonodeporte.gal/

CTO. PROVINCIAL CAMPO A TRAVÉS XOGADE

O pasado 16 de decembro o alumno Martín participou no Cto. Provincial de Campo a través XOGADE celebrado en Zamáns (Vigo). A súa participación foi posible ao clasificarse no campionato zonal celebrado en Montalvo. 

XV CARREIRA POPULAR VIGO +11

O pasado 10 de decembro o noso alumno Martín participou na XV Carreira Popular de Vigo quedando nun meritorio 5º posto na categoría sub14.

ENTREVISTA A LORENA

Despois do seu éxito no Campionato de España por autonomías o alumnado de proxecto competencial de 4ºESO decidiu facerlle unha entrevista.
Pica na icona para acceder á entrevista 📻

RECOMENDACIÓN LIBRO

Deixamos a recomendación dunha compañeira vosa sobre un libro do que é protagonista Almudena Cid!

PONTEANDADA SOLIDARIA

O pasado día 3 de decembro a nosa alumna Claudia participou na PonteAndada Solidaria que se celebrou en Pontevedra.

MOVÉMONOS AO AIRE LIBRE

Esta semana, aproveitando que tiñamos que botar o plástico dunhas botellas ao contenedor adecuado, fixemos unha clase diferente! O alumnado de 2B probou a facer algúns exercicios nas máquinas que temos cerca do centro ainda que a maioría, optou polos bambáns!

SAÍDA CAMPO LAMEIRO

O pasado 22 de novembro visitamos o Parque Arqueolóxico de Campo Lameiro en colaboración co Departamento de XeH, facendo un percorrido polo mesmo.

CARREIRA POPULAR CONCELLO DE RIANXO

O pasado 19 de novembro o noso alumno Martín participou na Carreira Popular de Rianxo na categoría sub14 acadando un meritorio 8º posto.

CAMPIONATO ZONAL DE CAMPO A TRAVÉS XOGADE

CAMPIONATO DE ESPAÑA DE PIRAGÜISMO POR AUTONOMÍAS

A pasada fin de semana a nosa alumna Lorena quedou campioa de España en K1 e K4 representando á selección galega de piragüismo. Ao chegar ao instituto quixemos facerlle a  nosa particular homenaxe!
Parabén campioa!

PRE-ESTATAL ZONA NORTE TENIS DE MESA

 A nosa alumna Alba participou no Pre-estatal zona norte de tenis de mesa celebrado en Abadiño (Bizcaia) os días 3, 4 e 5 de novembro acadando a medalla de prata.

RECOMENDA UN LIBRO

Xa temos nova recomendación para ler un libro. Grazas pola vosa colaboración!

RECOMENDA UN LIBRO

Hoxe compartimos unha recomendación dun libro du compañeiro voso.

MARCHA CONTRA O CANCRO

O pasado 8 de outubro a nosa alumna María participou coa súa familia na V Marcha contra o cancro realizada en Pontevedra.

PLAY OFF LIGA DE OURO BALONMÁN

A nosa alumna Soraya informanos de que ela con outras compañeiras do centro xogaron os Play Off da Liga de ouro os días 6, 7 e 8 de outubro en Vigo, conseguindo alzanzar o seu obxectivo.

COIDAMOS A NOSA ESPALDA

Comezamos coa campaña de sensibilización para o coidado da espalda. 
Importante:
Revisa a túa mochila, non traigas cousas innecesarias.
Leva a mochila nunha boa posición.
Nas clases, intentamos ter a espalda dereita!

RECREOS ACTIVOS

 Comezamos co préstamo de material deportivo nos recreos.

Respecta as normas de uso de material

CARREIRA SOLIDARIA LEO

O pasado 1 de outubro algún dos nosos alumnos/as participaron na I Carreira Solidaria de Leo celebrada en Meis. Grazas pola vosa participación!

CARNET DEPORTISTA

Xa sabedes , facer deporte ten premio. Se adestran en algún club, xa sabes, todos os meses podes descargar de Edixgal o teu carnet de deportista e levalo ao teu club e levalo ao teu club para que cho sele o teu adestrador/a. Xa tedes á vosa disposición o do mes de setembro. Déixovos un exemplo de carné!

ENQUISA INICIO DE CURSO

Sempre ao comezar o curso facemos unha enquisa para coñecer a cantidade de actividade física que fai o noso alumnado. 
Destacar que máis da metade do noso alumnado (57,3 %) fai deporte federado, sendo o fútbol e o balonmán os dous con máis practicantes.
Preocupános que hai un 23,4 % que afirma facer menos de dúas horas de actividade física á semana (moi por debaixo das recomendacións da OMS).

ENQUISA HÁBITOS SAUDABLES

Deixamos algúns datos da enquisa feita ás familias. Os datos non son moi significativos xa que de máis de 200 alumnos e alumnas no centro, só obtimos 37 respostas aínda así cabe destacar algún dato.

Coa pequena mostra vemos que casi un 30% non fai actividade física fóra do centro.

Casi un 70% do alumnado dispón de ordenador ou/e móbil con conexión a internet na súa habitación.

Casi un 75% do alumnado non fai o mínimo de actividade física recomendado pola OMS (fuente)

Só un 30% do alumnado pasa menos de dúas horas diante de pantallas.

Como dato positivo, a maioría das familias que fixeron a enquisa dalle moita importancia a que os seus fillos e fillas fagan actividade física. Desde o departamento de EF seguiremos intentando que o alumnado aumente o tempo que realiza actividade física.

Grazas as familias que contestaron a enquisa. Esperamos ter máis éxito en próximas propostas!

RCP NA AULA

Co programa RCP na aula todo o alumnado do centro recibiu formación en Soporte Vital Básico. O alumnado de 4ESO que superou as probas pertinentes xa ten aquí o seu diploma acreditativo. 

DIN NON Á VIOLENCIA

Desde o departemanto de EPeV achéganos estes carteis feitos polo alumnado de 4ESO! 

O vindeiro curso buscaremoslle espazo no ximnasio!

XOGAMOS A BALONMÁN

O pasado 25 de maio, o alumnado de 1ESO participou nunhas xornadas otganizadas dentro do programa XOGADE. Puideron disfrutar xogando a balonmán. 

AS NOSAS DEPORTISTAS

 A nosa alumna Paloma achéganos unha foto do seu equipo xogando a final da liga infantil de balonmán.

II XORNADAS DE XOGOS TRADICIONAIS

Este 16 de maio o alumnado de 2ESO que non acudiu a Spring Week puido disfrutar das II Xornadas de Xogos Tradicionais organizadas a través do programa XOGADE.

ANDAINA ECOLÓXICA

O departamento de Tecnoloxía organizou unha andaina para o 19 de abril. O alumnado de 1º , 2º e 4º ESO recollou lixo da beira do río e o alumnado de 3ºESO coloocou trampas de velutinas. Coma sempre que hai actividade física, o departamento de EF colaborou na actividade.

CARREIRA DE ORIENTACIÓN

O pasado 28 de febreiro o alumnado de 4ESO participou na carreira de orientación celebrada na Illa das Esculturas en Pontevedra dentro do programa XOGADE.

OS NOSOS DEPORTISTAS

 A nosa compañeira de 2ESO, Lara, participou no Campionato Galego de Seleccións Comarcais de fútbol. Parabéns!

RECOMENDACIÓNS DE ACTIVIDADE FÍSICA

O ministerio de sanidade presenta as recomendacións de actividade física e exemplos de actividades que podemos realizar para ter uns hábitos saudables. Achegamos ditas recomendacións.

SAIMOS NA PRENSA!

Hoxe o diario de Pontevedra dedicanos unha reportaxe sobre as Xornadas de Xogos Tradicionais nas que participamos o pasado 8 de febreiro.

CAMPIONATO PROVINCIAL DE CAMPO A TRAVÉS

Catro das nosas alumnas participaron no Campionato Provincial de Campo a Través celebrado hoxe 12 de febreiro en Castrelos (Vigo).

XOGOS TRADICIONAIS

O pasado 8 de febreiro xunto o alumnado de 2ESO participou nas Xornadas de Xogos Tradicionais organizadas dentro do programa XOGADE.

AS NOSAS DEPORTISTAS

 A nosa alumna de 2º, Lara, foi convocada na  selección de sub14 RFGF Pontevedra sub14 de fútbol.

LIGAS

Deixamos unha foto resumo do desenvolvemento das ligas nos recreos. Seguimos con bádminton, balonmán, tenis de mesa, fútbol e baloncesto.

CASTELO DE SOUTOMAIOR E SALINAS DE ULLÓ

O pasado 18 de xaneiro o alumnado visitou o Castelo de Soutomaior. O departamento de EF en colaboración co departamento de tecnoloxía (organizador da actividade) propuso incluir a ruta polas Salinas de Ulló.

Despois de comer tamén fixemos un tramo da senda do Lérez en Pontevedra.

BALONCESTO NOS RECREOS

 O próximo 21 comezan os partidos de baloncesto. En primeiro ciclo anotáronse 2 equipos, así que xogarán ao mellor de 5 partidos. O equipo gañador enfrentarase ao equipo de segundo ciclo!

VISITA DO ADESTRADOR DO ASMUBAL (BLM)

O pasado 12 de xaneiro tivemos a sorte de contar co adestrador do Asmubal Meaño no centro. 

Explicounos que nunca é tarde para cumprir obxectivos. El incorporouse ao balonmán xa con 16 anos e iso non impidiu que acadara medallas nos Mundiais de Balonmán Praia.

Deixamos vídeo resumo da xornada e non olvidedes que estades convidados a acudir aos adestramentos que se celebran no pavillón de Coirón-Dena polas tardes. 

Probar non custa nada, desde o departamento de EF animamos ao alumnado a acudir a estes adestramentos.

XORNADA CAMPO A TRAVÉS (XOGADE)

Por fin a metereoloxía permitiu acudir á Xornada de Campo a Través do programa Xogade.

Varios dos nosos alumnos e alumnas clasificáronse para o Campionato Provincial:

1º ESO: Daniela

2º ESO: Íker, Lope, Lara e Aroa

3º ESO: Lorena, Candela e Silvia

Parabens a todo o alumnado participante!

XINCANA DO NADAL

O pasado 22 de decembro, o alumnado de 4 ESO participou na Xincana do Nadal, intentando contaxiar espíritu navideño por Dena.